ताउ–ते चक्रवत आँधीका कारण पर्वतारोहणमा प्रभाव पार्ने भन्दै जल तथा मौसम विज्ञान विभागले सतर्कता अपनाउन भने पछि नाम्चे झरेका आरोहीहरु पुनः आरोहीका लागि सगरमाथा आधारशिविर तर्फ जाँदै ।
केही दिनको खराव मौसमले स्थगित भएको आरोहण पुनःशुरु हुने भएको छ । यस अघि बहराईनका राजकुमार शेख मोहम्मद हमाल अलिफाको टोली सहित केहीले सगरमाथाको चुचुरो पुगिसकेका छन् । बाँकी आरोहीहरु जाने क्रममा रहेको एजेन्सीहरुले जनाएको छ ।
यस वर्ष ४४ आरोहण दलबाट ४०८ जना आरोहीले सगरमाथा आरोहण अनुमति लिएर तयारी अवस्थामा आधार शिविरमा बसेका छन् । पर्यटन विभागका अनुसार सगरमाथा आरोहण गर्ने यो आरोहीको सङ्ख्या हालसम्मकै उच्च भएको बताएका छन् ।
आरोहीमध्ये ३१५ पुरुष, ९२ जना महिला र एक जना तेस्रो लिंगी आरोही छन । सगरमाथाबाट मात्र यो सिजनमा ४९ करोड ६१ लाख ३१ हजार ७८७ रुपैयाँ राजस्व सङ्कलन भएको विभागको तथ्याङ्क छ
