बलिउड गायिका नेहा कक्कड र अभिनेता हिमांशु कोहलीको प्रेम कहानी सबैलाई थाहा होला। यी दुईबीचको प्रेम सम्बन्ध सन् २०१८ मा विच्छेद भएको थियो।
त्यसपछि गत वर्ष नेहा कक्कडले रोहनप्रीत सिंहसँग विवाह बन्धनमा बाँधिएकी थिइन्। विवाहअघि भने नेहाले हिमांशुलाई विभिन्न आरोप लगाउँदै आएकी थिइन्। ती आरोपहरुको हिमांशु खण्डन गर्दै आएका थिए।
हिमांशुले बलिउड बबलसँग कुरा गर्दै भनेका छन्- त्यो मेरो ब्रेकअप थियो। मेरो घरमा के भएको थियो, म संसारलाई बयाण गर्दै किन हिँडौं? कुनै मान्छेलाई यो विषयमा किन लगाव हो?'
उनले नेहालाई कुनै आरोप नलगाउने स्पष्ट पारेका छन्। 'म नेहालाई कुनै आरोप लगाउन चाहन्न। उनी अगाडि बढिसकिन्। उनी खुसी पनि छिन्। म उनको लागि खुसी छु। आफ्नो लागि पनि खुसी छु। म आफ्नो सपनाको जिन्दगी जीउँदैछु। पैसा कमाइहेको छु। धेरैभन्दा धेरै अडियन्सलाई मनोरञ्जन प्रदान गरिरहेको छु,' उनले भनेका छन्।
