तियानजिन, भदौ १६ – प्रधानमन्त्री केपी शर्मा ओलीले चीनका राष्ट्रपति सी जिनफिङ र उनकी पत्नी पेङ लियुआनले शाङ्घाई सहयोग संगठन (एससीओ) प्लस शिखर सम्मेलनको अवसरमा आयोजना गरेको स्वागत समारोहमा सहभागी भएका छन्।
यस अवसरमा प्रधानमन्त्री ओली र राष्ट्रपति सीबीच दुईदेशीय सम्बन्ध, व्यापार, लगानी, प्रविधि, र अन्य क्षेत्रीय सहकार्यबारे छलफल हुने अपेक्षा गरिएको छ। शिखर सम्मेलनको साथै अन्य अन्तर्राष्ट्रिय नेताहरूसँग पनि द्विपक्षीय बैठक गर्ने कार्यक्रम प्रधानमन्त्री ओलीको तालिकामा समावेश छ।
नेपाल-चीन सम्बन्ध अझ सुदृढ गर्ने र दुवै देशबीचको सहकार्यलाई नयाँ उचाइमा पुर्याउने उद्देश्यले प्रधानमन्त्री ओलीले यस अवसरलाई उपयोग गर्ने बताइएको छ।
539947030_122141581478412500_6775806895062557173_n
