काठमाडौँ, वैशाख १४ गते । स्विस अन्तर्राष्ट्रिय विमान सेवाको एउटा विमानले उडान भर्न लाग्दा इन्जिनमा आगलागी भएपछि उडान स्थगित गरिएको छ । उक्त घटनामा कम्तिमा छ जना यात्रु घाइते भएका छन् । यो घटना आइतबार बिहान सबेरै इन्दिरा गान्धी अन्तर्राष्ट्रिय विमानस्थलमा भएको हो ।
दिल्लीबाट जुरिख जाँदै गरेको उडान बिहान करिब १:८ बजे धावनमार्गमा थियो । विमानमा कुल २३२ जना (२२४ यात्रु र ४ शिशुसहित) सवार थिए । आगलागी भएपछि सबै यात्रुलाई तुरुन्तै सुरक्षित रूपमा बाहिर निकालिएको थियो । घाइतेलाई स्थानीय निजी अस्पतालमा भर्ना गरिएको छ ।
विमान स्थल प्रशासनका अनुसार घटनापछि पूर्ण आपतकाल घोषणा गरिएको थियो । विमान सेवाका अनुसार चालकले उडान रोक्दै सावधानीका रूपमा यात्रुलाई बाहिर निकाल्ने निर्णय गरेका थिए । सम्बन्धित विमान ठुलो आकारको यात्रुवाहक विमान रहेको बताइएको छ । घटना सम्बन्धी थप अनुसन्धान जारी रहेको छ । रासस/सिन्ह्वा
