भारतको गुजरातमा आइतबार साँझ पुल भाँचिदा कम्तीमा ६० जनाको मृत्यु भएको छ । एनडीटिभीका अनुसार मोर्बी सहरस्थित माचु नदीको पुल भाँचिएको हो । पुल भाँचिएपछि सयौं मानिसहरू नदीमा खसेर डुबेका छन् । पुलमा दुर्घटना हुने बेला करिब ४ सय मानिसहरू त्यहाँ थिए ।
स्थानीय अधिकारीहरूले भने दुर्घटनामा परेकाहरूको उद्धार प्रयास गरेको बताएका छन् । भारतीय संचारमाध्यमकाअनुसार उक्त पुल मर्मत गरी पुनः सञ्चालनमा आएको केही दिनपछि नै भाँचिएको हो ।
भारतीय प्रधामन्त्री नरेन्द्र मोदीले उक्त घटनाप्रति दुःख व्यक्त गर्दै तत्काल कदम चाल्ने बताएका छन् । रातको समय भएकाले उद्दारमा कठिनाई भएको अधिकारीहरुले बताएका छन् ।
