नेपाल भ्रमणमा रहेको चीनको सिचुआन प्रान्तका उपगभर्नर तथा सार्वजनिक सुरक्षा विभागका कमिसनर ये हानपिङ नेतृत्वको टोलीले गृहमन्त्री र गृहसचिवसँग भेटवार्ता गरेको छ ।
उपगभर्नर ये हानपिङले बिहान ११ बजे गृह मन्त्रालय पुगेर गृहमन्त्री रवि लामिछानेसँग भेट गर्नुभएको हो । त्यसपछि १२ बजेको समयमा सोही टोलीले गृहसचिव एकनारायण अर्यालसँग कुराकानी गरेको बताइन्छ ।
दुबै भेटमा नेपालका लागि चिनियाँ राजदूत छन् सोङलगायत भ्रमण दलका झण्डै आधा दर्जन सदस्य थिए । चिनियाँ उच्चस्तरीय पाहुना टोली हिजो बिहान छन्तुबाट काठमाडौं आइपुगेको हो । भोलि दिउँसो १ बजे श्रीलंकन एअरलाइन्सको उडानमा कोलम्बो जाने कार्यक्रम छ ।
