दशैं भन्नासाथ धेरैको मनमा चङ्गाको झल्को आउन सक्छ। नआओस् पनि कसरी ? बच्चामा हामी सबैले एक न एक पटक त चङ्गा उडाएकै छौं । समय र पैसाको भाग दौडमा अहिले त्यस्तो चलन हराउँदै गएको देखेरै होला काठमाडौंको गैरीधारास्थित हिमालय एयरलाइन्सले आफ्नो कर्मचारीमाझ चङ्गा उडाउने प्रतियोगिताको आयोजना गरेको छ। एकता र परम्परालाई निरन्तरता दिनको लागि हिमालय एयरलाइन्सले प्रतियोगिताको आयोजना गरेको हो । सँगै कार्यरत रहेका कर्मचारीहरुको मनोबल र हर्ष बढाउन हिमालय एयरलाइन्सले "एच ९ दामी चङ्गा", "एच ९ चङ्गा चैट" जस्ता निष्पक्ष प्रतिस्पर्था गराई रहने गरेको छ।