काठमाडौँ । काठमाडौँको दक्षिणकाली नगरपालिका–५ स्थित डल्लुमा मोटरसाइकल अनियन्त्रित भएर डल्लु खोलामा खसेको छ ।
नौमुले तर्फ जाँदै गरेको बागमती प्रदेश–३–०२–०१० प ४२६२ नम्बरको मोटरसाइकल सोमबार खोलामा खसेको थियो ।
सडकबाट करिब १५ मिटर तल खोलमा मोटरसाइकलसँगै खसेका चालकको मृत्यु भएको उपत्यका ट्राफिक प्रहरी कार्यालयका एसपी नरेश सुवेदीले रातोपाटीलाई बताए ।
मृत्यु हुनेमा दक्षिणकाली नगरपालिका–५ बस्ने ६० वर्षीय राम तामाङ छन् । उनको मंगलबार बल्खु स्थित बयोधा अस्पतालमा मृत्यु भएको हो ।
