नेभिगेसन मेनु

अनाथ बालबालिकालाई सहयोग
सम्पादक:南亚网络电视
समय:2025-04-02 13:53

orphan

एस् ए टी भी २० चैत्र, काठमाडौँः आमाबुबा दुवै नभएका अनाथ बालबालिका मात्रै पढ्ने भक्तपुरको एउटा स्कुलका विद्यार्थीलाई एक परिवारका दाजु–बहिनीले मंगलबार सहयोग गरेका छन्।

भक्तपुर नगरपालिका वडा नं ३ दरबार क्षेत्रस्थित बालमन्दिर आधारभूत विद्यालयमा अध्ययनरत २३ जना बालबालिकालाई कक्षा ७ मा पढ्ने लक्ष्यजित र कक्षा ५ मा पढ्ने समृद्धि मल्ले शैक्षिक सामग्री सहयोग दिएका हुन्। बालबालिकाका लागि झोला, कापी, कलम, पेन्सिल, कटर, पोसाक, जुत्ता, मोजा र नगदसमेत उनीहरूले सहयोग गरेका हुन्।

स्कुलकी प्रिन्सिपल न्हुछेंलक्ष्मी गोराका अनुसार स्कुलमा नर्सरी, केजी र कक्षा १ गरी तीनवटा कक्षा सञ्चालित छन्। यी तीनवटा कक्षामध्ये नर्सरीमा पाँचजना, केजीमा सातजना र कक्षा १ मा ११ जना गरी २३ जना विद्यार्थी स्कुलमा अध्ययनरत छन्। ती सबै विद्यार्थी आमाबुबा नभएका अनाथ हुन्। उनीहरू सबैलाई सामग्री हस्तान्तरण गरिएको हो।

उनीहरू स्कुलमै खाने, बस्ने र सुत्ने गर्दछन्। लक्ष्यजित र समृद्धिले सबैलाई लहरै राखेर सामान हस्तान्नरण गरेका थिए। त्यस अवसरमा स्कुल व्यवस्थापन समितिका अध्यक्ष तथा भक्तपुर नगरपालिका वडा नं ३ का वडाध्यक्ष राजकृष्ण गोरा प्रमुख अतिथि थिए।

काठमाडौंको काँडाघारीमा कक्षा ५ मा अध्ययनरत समृद्धिले दानको महत्व बुझेकाले आफूभन्दा साना स्कुले छात्रछात्रालाई सहयोग गरेको बताइन्। यसका लागि आमाबुबाले सामान उपलब्ध गराएको उनले जानकारी गराइन्। उनीहरूका हजुरआमा त्यही स्कुलकी प्रिन्सिपल लोचनाकुमारी मल्लको स्मृतिमा सहयोग गरेको समृद्धिले बताइन्। उनका अनुसार यसअघि पनि उनीहरूले अरू स्कुलमा पनि सहयोग गरिसकेका छन्। लक्ष्यजितले आफूभन्दा कमजोरलाई सहयोग गर्न पाएकोमा खुसी लागेको बताए।

कार्यक्रममा प्रमुख अतिथि स्कुल व्यवस्थापन समितिका अध्यक्ष राजकृष्ण गोराले आफूभन्दा साना नानीबाबुलाई गरेको यो सहयोग अविष्मरणीय रहेको बताए। यसले अनाथ नानीबाबुको पढाइमा सहयोग पुग्ने उनले विश्वास व्यक्त गरे।

कार्यक्रममा जनाइए अनुसार बालबालिकालाई खान र लगाउने व्यवस्थापन बालमन्दिरले गर्दै आएको छ। त्यसका लागि एकजना भान्छे र दुईजना सहयोगी गरी तीनजना व्यक्ति खटाइएको छ। स्कुलमा प्रधानाध्यापिकासहित दुईजना दृष्टिविहीन शिक्षकशिक्षिका र तीनजना शिक्षक–शिक्षिका रहेका छन्। उनीहरूलाई सरकारले नै शिक्षकका रूपमा पारिश्रमिकको व्यवस्था गर्दै आएको छ।

#

डिस्क्लेमर: यो लेख दक्षिण एशिया सञ्जाल टीवी सिको अन्तर्राष्ट्रीय अनलाइन्टियाको स्वत-मिडियाबाट आउँछ, सिको अन्तर्राष्ट्

पसंदीदा प्राप्त गर्नुहोस्0
उप्पर