सुलीकोट, असार ८ गते । गोरखा र तनहुँको सिमानामा पर्ने मुख्य प्रबेशद्वार गोरखा नगरपालिका –१३ को मजुवामा रहेको कलात्मक प्रबेशद्वारले धेरै आन्तरिक तथा बाह्रय पर्यटकको मन जित्न सफल भएको छ ।
गोरखा सदरमुकामबाट झण्डै २३ किलोमिटर दशिणतर्फ रहेको सो गेटमा नेपालका राष्ट्र निर्माता पृथ्बीनारायण शाह, नेपालको प्रथम शहिद लखन थापा मगर र पृथ्बीनारायण शाहको सुरक्षा गार्डको शालिक बनाउने निर्णय भएको गोरखा नगरपालिकाले जनाएको छ ।
गजुरसहितको गेटमा गोरखा प्रबेश गर्ने यात्रुले रोकेर फोटो खिचेर जाने गरेको पाइएको छ । प्रायः फोटो खिच्नेको लाइन देखिन थालेको छ । त्यस ठाउँमा फोटो खिच्नेहरु र घुम्न आउनेहरु खुशी भएर फर्किने गरेको स्थानीय हरिबहादुर खनालले जानकारी दिनुभयो ।
