एस् ए टी भी २४ फाल्गुन,काठमाडौँ: ११५ औँ अन्तर्राष्ट्रिय नारी दिवसको अवसर पारेर सशस्त्र प्रहरी बल, सशस्त्र प्रहरी परिवार महिला संघको आयोजनामा चिनियाँ चिकित्सकीय टोलीले फाल्गुन २४ र २५ गते सशस्त्र प्रहरी अस्पताल बलम्बुमा निःशुल्क स्वास्थ्य शिविर सञ्चालन गरेको छ।
चीनबाट आएको जम्बो चिकित्सकको टोलीले त्यहाँस्थित बिरामीहरूको रगत जाँच्ने , ई सिजी, तथा अन्य बहिरङ्ग सेवा दिने चिकित्सक टोलीका प्रमुख याङ लियाङ्ले जानकारी दिए। उनीहरूले परम्परागत चिनियाँ चिकित्सकीय प्रणालीले पनि थुप्रै सेवा ग्राहीलाई सेवा दिने बताए।
शिविरको पहिलो दिन सशस्त्र प्रहरी परिवार महिला संघकी अध्यक्ष अनिता लामिछाने अर्याल लगायत व्यक्तित्वहरूले अवलोकन तथा जाँच गराएका थिए।
नेपालमा यस्तो शिविर गर्न पाएकोमा चिकित्सकहरू खुसी देखिन्थे भने यो सुविधा पाउने सौभाग्य मिलेको भन्दै नेपाली सेवाग्राही कृतज्ञ देखिन्थे।
सशस्त्र प्रहरी तथा तिनका परिवारलाई लक्षित गरेर ल्याइएको यस शिविरले दुई दिनमा धेरै भन्दा धेरै सेवाग्राहीलाई सेवा दिने लक्ष्य राखेको छ भने पहिलो दिन आज नै करिब ३०० भन्दा बढीको स्वास्थ्य परीक्षण गर्ने योजना रहेको आयोजकले बताए।
