पुरुष टी२० विश्वकपमा आज गर या मरको खेल हुँदैछ । समूह १ को अन्तिम खेलमा इंग्ल्याण्डले श्रीलङ्कालाई जित्नै पर्ने दबाब छ । आजको खेल जित्न नसके इंग्ल्याण्ड सेमिफाइनलको दौडबाट बाहिरिनेछ ।
श्रीलङ्कालाई भने यो खेलबाट कुनै फरक पर्दैन। किनभने टोली सेमिफाइनलको दौडबाटै बाहिरिसकेको छ । श्रीलङ्काले ४ खेलमध्ये २ जित र २ मा हार बेहोरेको छ । यदि टोलीले आजको खेल जित्यो भने पनि उसको ६ अङ्क मात्र हुनेछ जुन सेमिफाइनल पुग्न पर्याप्त छैन । उता, इंग्ल्याण्डले आयरल्यान्डसँग १ खेलमा हार बेहोरेको छ । यदि टोलीले खेल जित्यो भने उसको अस्ट्रेलियासँग समान ७ अङ्क हुनेछ । उच्च नेट रन रेटका कारण अस्ट्रेलियाको सट्टा इंग्ल्याण्ड दोस्रो स्थानमा आउनेछ ।
