आज माल्दिभ्सको राजधानी मालेमा साफ च्याम्पियनसिप फुटबल सुरु हुँदैछ । आज नेपालले आयोजक मुलुक माल्दिभ्ससग पहिलो खेल खेल्दैछ। खेल नेपाली समय अनुसार राति पाउने दस बजे सुरु हुनेछ।
पहिलो पटक साफ च्याम्पियनसिपको उपाधि जित्ने लक्ष्य बोकेको नेपालले पनि आजैबाट आफ्नो उपाधिको यात्रा सुरु गर्नेछ। प्रशिक्षक अब्दुल्लाह अलमुतारीको प्रशिक्षणमा रहेको नेपाली टिम पहिलो पटक च्याम्पियन बन्ने दाउमा छ। त्यसका लागि नेपालले ३ महिलादेखि प्रशिक्षण गरेको छ। यसबीच नेपालले भारतसँग २ र ओमानसँग १ मैत्रीपूर्ण खेल पनि खेलेको छ।
युवा खेलाडीले भरिएको नेपाली टिमले पछिल्लो समय राम्रो प्रदर्शन गरेकाले नेपाली टिम उत्साहित छ। नेपाली टिम कतारमा २ साता प्रशिक्षण गरेर उतैबाट माल्दिभ्यस पुगेको हो।
