माल्दिभ्सको राजधानी मालेमा यही अशोज १५ गतेदेखि सुरु हुने साफ च्याम्पियनशीपमा पहिलो दिनमै नेपालको खेल हुने भएको छ।
नेपालले पहिलो दिनमै आयोजक मुलुक माल्दिभ्ससंग प्रतिस्पर्धा गर्नु पर्ने छ। सो खेल स्थानीय समय अनुसार राती ९ बजे सुरु हुनेछ। पहिलो दिनमा श्रीलंका र बंगलादेशबीच अर्को खेल हुने कार्यक्रम छ।
दुई दिन बिश्राम पछि नेपालले श्रीलंकासंग खेल्नेछ। त्यसपछि नेपालले भारत तथा बंगलादेशसंग खेल्ने तालिका सार्वजनिक गरिएको छ।
प्रतियोगिताको फाईनल अशोज ३० गते बिहान ८ बजे हुने कार्यक्रम रहेको छ।
