युभेन्टसका सुपर स्टार फरवार्ड क्रिस्टियानो रोनाल्डोले युभेन्टस छाडेर म्यानचेस्टर सिटी जाने भएका छन् । ३६ वर्षीय फरवार्ड रोनाल्डो शुक्रबार भएको युभेन्टसको ट्रेनिङमा ४० मिनेटमात्रै सहभागी भएर निस्किएका छन् ।
उनी आफ्ना टिममेटहरूसँग बिदा हुन मात्रै त्यहाँ पुगेको र केही घण्टामै क्बल छाड्न चाहिरहेका छन् ।
रोनाल्डो आज ट्रेनिङ नगर्ने र एजेन्ट जर्ज मेन्डीले म्यानचेस्टर सिटीसँग आधिकारिक सम्झौता गर्ने पर्खिरहेको बताएका छन् ।
इङ्लिस च्याम्पियन म्यानचेस्टर सिटीले मात्रै रोनाल्डोलाई भित्र्याउने इच्छा देखाइरहेको छ ।
पाँच पटकका बालोन डी’अर विजेता रोनाल्डो सन् २००९ मा म्यानचेस्टर युनाइेडबाट स्पेनिस क्लब रियाल मड्रिड गएका थिए । सन् २००३ देखि युनाइटेडमा खेलेका रोनाल्डोलाई तत्कालीन समयको कीर्तिमानी ८० मिलियन पाउन्डमा रियाल मड्रिडले किनेको थियो ।
अहिले पनि रोनाल्डोका एजेन्ड मेन्डिज र म्यानचेस्टर सिटीबीच उनको तलबबारे छलफल भइरहेको बताइएको छ ।
