तीन पटकको च्याम्पियन स्पेन युरोकप फुटबलको क्वाटरफाइनलमा प्रवेश गरेको छ।
कोपनहेगनमा सोमबार राति भएको प्रि-क्वाटरफाइनलमा क्रोएसियालाई अतिरिक्त समयमा ५-३ गोल अन्तरले पराजित गर्दै स्पेनले अन्तिम आठमा स्थान बनाएको हो।
रोमान्चक खेलमा स्पेनलाई जित दिलाउन पाब्लो सराबिया, सिजर अज्पिलिकुइटा, फेरान टोरेस, अल्भारो मोराटा र मिकेल ओयार्जाबलले एक-एक गोल गरे।
क्रोएसियाका मिस्लाभ ओर्सिच र मारियो पासालीचले एक-एक गोल गर्दा एक गोल आत्मघाति उपहार पाएको थियो।
स्पेन क्वाटरफाइनलमा पुग्ने पाँचौं टिम बनेको छ। क्रोएसिया भने अन्तिम १६ बाट बाहिरिएको छ। अब स्पेनले अन्तिम आठमा स्विट्जरल्यान्डसँग खेल्नेछ।
