काठमाडौं, भदौ १। नेपालको पर्यटन प्रवद्र्धनको तीव्रता बढाउन र नेपालको पर्यटन उद्योगको लोकप्रियता र प्रतिष्ठा बढाउन नेपाल पर्यटन बोर्डले दक्षिण एसिया नेटवर्क टेलिभिजनका संस्थापक तथा अध्यक्ष श्री हौ झिहोङलाइ चिनका लागि मानार्थ जनसम्पर्क प्रतिनिधिमा नियुक्ति गरेको छ। नेपाल पर्यटन बोर्डका प्रमुख कार्यकारी अधिकृत डा.धनन्जय रेग्मीले दुइ वर्षका लागि नियुक्ति पत्र जारि गर्नु भएको हो ।
दक्षिण एसिया नेटवर्क टेलिभिजनले आफ्नो स्थापना देखि नै चिनियाँ, अंग्रेजी र नेपाली भाषामा अनलाइन पोर्टल सञ्चालनमा ल्याएको श्री हौले बताउनु भयो । नेपाल पर्यटनलाई सहयोग पुर्याउने उद्देश्यले समाजका सबै क्षेत्रबाट मान्यता पाएको नेपालको पर्यटनलाई सक्रिय रूपमा प्रवर्द्धन गर्न पर्यटन विट यस वर्ष देखि सञ्चालन गरिएको हो । श्री हौले दुई वर्षे कार्यकालमा आफ्नो जिम्मेवारी पूरा गर्ने प्रतिबद्धता जनाउनुभयो। उहाँले चिनियाँ सञ्चारमाध्यमलाई पूर्ण सहयोग गर्न, पर्यटन प्रवद्र्धन र प्रचारप्रसारमा उल्लेखनिय सहयोगका लागि पर्यटन बोर्डसँग सहकार्य गर्ने बताउनुभयो।
दुई वर्षे कार्यकालमा श्री हौले सम्भावित चिनियाँ पर्यटकहरूलाई नेपालमा आकर्षित गर्न नेपाली दूतावासहरू, वाणिज्य दूतावासहरू, टुर अपरेटरहरू, होटल व्यवसायीहरू, निगमहरू, मिडिया, क्लबहरू, विभिन्न एजेन्सीहरू र संघहरूसँग नजिकबाट सहकार्य गर्नु पर्नेछ ।
“यस नियुक्तिको लागि म तपाईंलाई फेरि बधाई दिन्छु र तपाईंको प्रयासमा सफलताको कामना गर्दछु।” कार्यकारी अधिकृत डा.धनन्जय रेग्मीले श्री हौलाइ शुभकामना व्यक्त गर्नु भयो।
श्री हौले कार्यकारी अधिकृत डा.धनन्जय रेग्मीलाई मौलिक चीनको पर्यटन चिन्ह "कांस्य सुलेख घोडा” उपहार दिनुभयो।
