बागलुङको बडिगाड गाउँपालिकमा रहेको इलाका प्रहरी कार्यालय भीमगिठेका इन्चार्ज वरिष्ठ प्रहरी नायव निरीक्षक उज्ज्वल पौडेल मृत फेला परेका छन्।
सोमबार राति बडिगाड गाउँपालिका– ६ स्थित आशा होटेल एन्ड खाजाघरको तल्लो तलामा पौडेल मृत फेला परेको जिल्ला प्रहरी कार्यालय बागलुङका प्रमुख एसपी योगेन्द्रकुमार खड्काले जानकारी दिए।
पौडेल होटेलमा मृत फेला परेको भन्दै होटेल सञ्चालकले राति १२ बजे वडाध्यक्षलाई जानकारी गराएका थिए। वडाध्यक्षले प्रहरीलाई जानकारी गराएपछि राति २ बजे प्रहरी चौकी बुर्तिवाङको टोली घटनास्थल पुगेका थियो।
घटनाको खबर पाएपश्चात् जिल्ला प्रहरी कार्यालयका प्रमुख खड्काको नेतृत्वमा थप अनुसन्धानका लागि प्रहरीको टोली घटनास्थलमा पुगेको छ।
प्रहरीले होटेल सञ्चालक अन्जादी ४५ वर्षीया आशा कुँवर र उनका छोरा २० वर्षीय विनोद कुँवरलाई सोधपुछका लागि नियन्त्रणमा लिएको छ। घटनाको थप अनुसन्धान भइरहेको प्रहरी प्रमुख खड्काले बताए।
