आर्मी अफिसर्स क्लवमा आयाेजित सांस्कृतिक कार्यक्रम//तस्विर-एस ए टि भी
नेपालको राजधानी काठमाडौंस्थित आर्मी अफिसर्स क्लवमा बुधबार चिनियाँ दूतावासले सांस्कृतिक कार्यक्रमको आयोजना गरेको थियो। नेपालस्थित चिनियाँ दूतावासद्वारा प्रायोजित, नेपाली चाइनिज एजुकेसन एशोसिएसनद्वारा सह आयोजित र यूनान एथ्निक सङ एण्ड डान्स ट्रूपद्वारा सृजित सांस्कृतिक प्रस्तुति "कलरफूल कल्चरल नाइट " सफलतापूर्वक सम्पन्न भएको थियो । कार्यक्रममा नेपालका राष्ट्रपति सु श्री विद्या देवि भण्डारी, नेपालका लागि चिनियाँ राजदूत श्री चेन सोङ लगायत अन्य प्रतिनिधिको सहभागिता रहेको थियो ।
कार्यक्रमको सुरुवात नेपाल र चीनको राष्ट्रिय गाना बजाएर गरिएको थियो भने चिनियाँ र नेपाली कलाकार र विद्यार्थीको उत्कृष्ट प्रस्तुतिले कार्यक्रमलाई झनै जीवन्त बनाएको थियो।
कार्यक्रमको सुरुवाती चरणमा नेपालका लागि चिनियाँ राजदूत चेन सोङले अङ्ग्रेजीमा मन्तव्य प्रस्तुत गर्नु भएको थियो। मन्तव्य मार्फत राजदूत सोङले, चीन र नेपाल बीच हजारौं वर्षको मैत्रीपूर्ण, कुटनीतिक इतिहास रहेको बताउनु भयो । "चीनले मित्रता, इमानदारी, पारस्परिक लाभ र समावेशीताको अवधारणा र छिमेकीसँग मित्रता र साझेदारी निर्माण गर्ने कूटनीतिक नीतिलाई निरन्तरता दिने, राष्ट्रिय सार्वभौमसत्ता, स्वाधीनता र भौगोलिक अखण्डताको रक्षा गर्न, नेपालको आर्थिक र सामाजिक विकासमा सहयोग गर्ने र जनताको जीवनस्तरमा सुधार ल्याउने छ र साझा भविष्यका साथ निकट चीन-नेपाल समुदाय निर्माण गर्न छ " उहाले थप्नु भयो।
यूनान एथ्निक सङ एण्ड डान्स ट्रूपले चिनियाँ जनताको सरल र भव्य जातीय संस्कृती झल्काउन १२ओटा प्रस्तुति राष्ट्रपति माझ पस्किएर उपस्थित सबैलाई मनोरञ्जन गराएका थिए।
एल आर आइका साना भाइ बहिनीको नृत्य र रेशम फिरिरी बोलको गीतले दर्शकको राम्रो प्रसंसा बटुलेको थियो।
बहुजातीय सांस्कृतिक विशेषताले भरिपुर्ण गीत र नृत्यले दर्शकमा अविस्मरणीय छाप छोडेको थियो भने प्रस्तुति पश्चात राष्ट्रपति विद्या देवि भण्डारी र राजदूत चेन सोङले प्रस्ताेताहरूसँग तस्बिर खिचाउँदै साँझ लाई अझै रङ्गिन बनाउनु भएको थियो ।
कार्यक्रमका झलकहरू
