शुक्रबारबाट बंगलादेशमा आयोजना हुने साफ यू-२० महिला च्याम्पियनसिपमा आज नेपालले पहिलो खेल आयोजक बंगलादेशविरुद्ध खेल्दैछ।
ढाकास्थित विर श्रेष्ठ शहिद सिपाही मुस्तोफा कमल स्टेडियममा हुने नेपाल र बंगलादेशबीचको खेल नेपाली समय अनुसार साँझ ६:४५ बजे सुरु हुनेछ।
प्रिती राईको कप्तानीमा रहेको नेपाली टोली बंगलादेशविरुद्ध सुखद नतिजाको योजनामा छ। उनी सिनियर राष्ट्रिय टोलीका सदस्य समेत हुन्।
प्रतियोगितामा नेपालसहित आयोजक बंगलादेश, भारत र भुटानको सहभागिता रहेको छ।
राउण्ड रोबिनको आधारमा हुने प्रतियोगिताको शीर्ष दुई टोलीले उपाधिका लागि प्रतिस्पर्धा गर्ने छन्।
