दोलखा । अविरल वर्षापछि पहिरो खस्दा दोलखाको सिंगटी बजार जोखिममा परेको छ । बुधबार साँझ पहिरो गएपछि यहाँका करिब २५ घर जोखिममा छन् भने केही घरमा क्षति पुगेको स्थानीय बासिन्दाले बताएका छन् ।

बिगु गाउँपालिका वडा नम्बर-४ लादुकमा पहिरो जाँदा सिंगटी बजार जोखिममा रहेको जिल्ला प्रहरी कार्यालय दोलखाले जनाएको छ । यहाँ लादुक सडक खण्डको चार घुम्तीमाथिबाट पहिरो खस्दा सडक पनि अवरूद्ध भएको थियो।