नेकपा एमालेले वैशाख ३० गते सम्पन्न स्थानीय तह चुनावमा पार्टीबाट निर्वाचित भएका जनप्रतिनिधिलाई प्रशिक्षण दिँदैछ ।
स्थानीय तहमा निर्वाचित भएका पालिकाका प्रमुख र उपप्रमुख तथा अध्यक्ष र उपाध्यक्षलाई आज र भाेलि दुई दिन प्रशिक्षण दिन लागिएको हो ।एमाले प्रचार विभाग उपप्रमुख विष्णु रिजालले जानकारी दिनुभयाे ।
प्रशिक्षण तथा अभिमुखीकरण कार्यक्रमको बिहीबार बिहान ११ बजे राष्ट्रिय सभागृहमा एमाले अध्यक्ष केपी शर्मा ओलीले उद्घाटन गर्नुहुनेछ । वैशाख ३० गते सम्पन्न भएको स्थानीय तहको निर्वाचनमा एमालेले २०५ पालिका प्रमुख-अध्यक्ष र २ सय ४० पालिकामा उपप्रमुख-उपाध्यक्ष जितेको थियो ।
