नगर अस्पताललाई कोभिड अस्पतालमा परिवर्तन गरेपछि डाक्टरहरुले डराएर राजीनामा दिएका छन् । कोरोना महामारीको दोस्रो लहरसँगै संक्रमित विरामीको चाप भएको अवस्थामा चाँगुनारायण अस्पतालका सबै डाक्टरले राजीनामा दिएका हुन् ।
चाँगुनारायण नगरपालिकाले सञ्चालन गर्दै आएको नगर अस्पतालका तीनै जना डक्टरले राजीनामा दिएको प्रमुख प्रशासकीय अधिकृत अग्नीप्रसाद अधिकारीले जानकारी दिए । नगर अस्पताल सञ्चालनका लागि सञ्जित कुमार दास, सुलभ केसी र जिवेश बास्तोलालाई करारमा नियुक्ति दिएको थियो ।
अस्पताल प्रशासनले नेपाल सरकारले तोकेको सेवा सुविधा नगरपालिकाले दिन्छु भनेको तर, डाक्टरहरुले थप सेवा सुविधा माग गर्दै आएका थिए ।
