एस् ए टी भी १४ असोज, काठ्माण्डौंः पछिल्लो समय नेपालमा परेको भारी वर्षाले आन्तरिक र अन्तर्राष्ट्रिय उडानहरूमा गम्भीर असर पारेको छ। चाइना साउदर्न एयरलाइन्सले तुरुन्तै प्रतिक्रिया जनाउँदैउडान सञ्चालनको सुरक्षा र स्थिरता सुनिश्चित गर्न हर सम्भव प्रयास गरिरहेको छ, र यात्रुहरूको यात्रा अधिकार र हितको रक्षा गर्दै आएको छ।
सेप्टेम्बर २७ को साँझ, ग्वाङ्जाओबाट काठमाडौँका लागि उडान गर्ने चाइना साउदर्न एयरलाइन्सको CZ ३०६७ विमानले खराब मौसमका कारण सामान्य अवतरणगर्न सकेन। अधिकांश एयरलाइन्सले उडान रद्द गर्ने वा फर्कने निर्णय गरे पनि, चाइना साउदर्न एयरलाइन्सले बंगलादेशको ढाका विमानस्थलमा डाइभर्ट गर्ने निर्णयगर्यो, र मौसम सुधार भएपछि काठमाडौँ फर्कने योजना बनायो। दुई घण्टा पछि, उक्त विमान काठमाडौँ विमानस्थलमा सुरक्षित रूपमा अवतरण गर्यो।उडानकोसुनिश्चितता र दक्षता सुधार गर्ने क्रममा, काठमाडौंबाट ग्वान्जाओको लागि उडान CZ ३०६८ ४० मिनेटपछि उडान भरेको थियो, जसले गर्दा कुल ढिलाइ मात्र ४घण्टा भयो, र यसले नेपाली यात्रुहरूको यात्रा आवश्यकताहरूलाई प्रभावकारी रूपमा पूरा गर्यो।
सेप्टेम्बर २८ को साँझ, ग्वाङ्जाओबाट काठमाडौँको लागि उडान CZ ३०६७ मौसमको कारण २ घण्टा ढिला भएको थियो। यसै समयमा, काठमाडौँबाटग्वाङ्जाओका लागि उडान गर्ने CZ ३०६८ का ३० यात्रुहरूलाई अष्ट्रेलियाको सिड्नीमा ट्रान्जिट गर्न असमर्थ हुने जोखिम थियो। चीनको राष्ट्रिय दिवस बिदाकोचापको समयमा यो स्थिति उत्पन्न भएको थियो, सिड्नीका लागि पछिका उडानहरूको सीटहरू सबै भरिएका थिए, जसले पुनः बुकिंग गर्न असम्भव बनायो। यदियात्रा सम्पन्न हुन सकेन भने, ती ३० यात्रुहरू काठमाडौँ वा ग्वाङ्जाओ मा अलपत्र पर्ने थिए।
यस आकस्मिक समस्यालाई समाधान गर्न, चाइना साउदर्न एयरलाइन्सले तत्काल आपतकालीन प्रतिक्रिया तन्त्र सक्रिय गर्यो। विभिन्न स्रोतहरू संकलन गर्दै, टेक-अफ र ल्यान्डिंग समय, उडान मार्ग चयन, र ग्राउन्ड सेवामा छिटो सुधार गरियो। यसले ती ३० यात्रुहरूको सहज पारगमन सुनिश्चित गर्यो।अन्ततः, ती ३० यात्रुहरूग्वाङ्जाओ विमानस्थलमा सफलतापूर्वक सिड्नीको उडानमा जडान भए, जसले गर्दा उनीहरू चाँडै परिवारसँग पुनर्मिलन गर्न सके।
चाइना साउदर्न एयरलाइन्स चीनको सबैभन्दा ठूलो वायुसेवा कम्पनी हो, जसले वार्षिक १४ करोड भन्दा बढी यात्रुलाई सेवा पुर्याउँछ। हाल, यो चीनकोग्वान्जाओदेखि नेपालको काठमाडौँसम्म दिनको दुई पटक नियमित उडान सञ्चालन गर्दै आएको छ।
