११ औँ नेपाल मानव अधिकार अन्तर्राष्ट्रिय चलचित्र महोत्सवमा फोटोपत्रकार दिपेन्द्र ढुंगानाका तस्वीर प्रदर्शन गरिएको छ । चार दिनसम्म पर्यटन बोर्डमा चलेको महोत्समा ढुंगानाका तस्वीर प्रदर्शनीमा राखिएको हो ।
मानव अधिकारसम्बन्धी अवधारणामा उनका फोटो प्रदर्शनका लागि छानिएको थियो । सामूहिक अधिकार सहितको नारामा आयोजित महोत्सवमा आवेदनबाट छानिएका डकुमेन्ट्री, सर्ट, एनिमेसन र फिक्सन गरी २६ देशका ५४ फिल्म महोत्सवमा देखाइएको छ ।
नेपाललगायत फ्रान्स, स्पेन, बेलायत, अमेरिका, अस्ट्रेलिया, क्यानडा, ओमान, थाइल्यान्ड, म्यान्मार, दक्षिण कोरिया, जर्मनी, इरान, टर्की, क्रोएसिया, इटली, आयरल्यान्ड, किर्गीस्तान, जर्जिया, पोल्यान्ड, ताजिकिस्तान, नर्वे, युक्रेन, बंगलादेश र भारतबाट प्राप्त मानव अधिकारका विषयमा केन्द्रित फिल्म र वृत्तचित्र महोत्सवमा देखाइएको थियाे ।
