मुगुकाे सदरमुकाम गमगढी तल्लो बजार कालीकामाली मन्दिर तलतिर आगलागी हुँदा ८ घर र ९ वटा पसल गोदाम जलेर पुर्ण रुपमा नष्ट भएका छन् । शुक्रबार राती अन्दाजी १२ तिर बजे आगलागी हुँदा ८ घर र ९ वटा पसल जलेर पुर्ण रुपले नष्ट भएका हुन ।
आगलागीबाट गमगढी बजारको पुतली शाहीको घरदेखि तार्के लामाको घरसम्म रहेका ८ वटा घर र ती घरमा रहेका ९ वटा पसल गोदाम जलेर नष्ट भएका छन् । तार्के लामा, सोनाम लामा, जङ्ग ऎडि, सान्तोना खत्री, पन्च सेजुवाल, पिआर मल्ल, प्रदिप रावल र पुतली शाहीको घर जलेका हुन् ।
जलेका पसलहरुमा महम्म्त साकिर कवडिया टेलर्ष, साजन सल्मानीहेयर कटिङ, सेर बहादुर मल्लको मोवाइल पसल, रुपदेवी बुढा तरकारी पसल,उद्दिम भाम होटेल,पिआर मल्ल फेन्सी पसल,लक्ष्मी मल्ल होटेल, नरेश शाही कम्प्युटर पसल र पुर्णा लक्ष्मी मल्लको ग्यास सिलिण्डर गोदाम रहेको छ ।
आगो नियन्त्रणका लागि नेपाल प्रहरी,सशस्त्र प्रहरी,नेपाली सेना, नगर प्रहरी र स्थानीय बासिन्दाहरू खटिएका छ्न् ।आगो कसरी लाग्यो भन्ने कुराको जानकारी प्राप्त हुन सकेको छैन भने क्षतिको एकिन विवरण आउन बाँकि रहेको प्रहरीले जनाएको छ । रातिको समयमा आगलागी भएपनि कुनै मानवीय क्षति भने भएको छैन ।
