बलोन डि‘ओरको प्रारम्भिक सूची सार्वजनिक, छैन रोनाल्डोको नाम

16391545485537

फुटबलको सबैभन्दा ठूलो व्यक्तिगत पुरस्कार मानिएको बालोन डि‘ओरको प्रारम्भिक सूची सार्वजनिक भएको छ ।

आयोजक संस्थाले बुधवार राति ३० जनाको प्रारम्भिक सूची सार्वजनिक गरेको हो । उक्त सूचीमा पोर्चुगलका विश्वविख्यात फरवार्ड क्रिस्टियानो रोनाल्डोको ना मभने छैन ।

२० वर्षयता रोनाल्डो ३० जनाको सूचीबाहिर परेको इएसपीएनले जनाएको छ ।

रोनाल्डो बालोन डि‘ओर अवार्डका पाँच पटकका विजेता हुन् । पछिल्लो समय रोनाल्डो युरोप छोडेर एसियातर्फ आएका छन् । उनी अहिले साउदी अरेबियाको क्लब अल नासरबाट व्यावसायिक फुटबल खेल्छन् ।

अर्कोतिर रोनाल्डोका लामो समयका प्रतिस्पर्धी लियोनल मेसी भने सूचीमा अटाएका छन् । मेसी पनि यसै वर्ष युरोप छोडेर अमेरिकाको इन्टर मायमीमा आबद्ध भएका छन् । यद्यपि, गत वर्ष आफ्नो कप्तानीमा अर्जेन्टिनालाई विश्वकप जिताएका मेसी अवार्डका प्रमुख दाबेदारमध्ये एक हुन् ।

यसैगरी, म्यानचेस्टर सिटीका नर्वेजियन स्ट्राइकर अर्लिङ हालाण्डलाई पनि अर्का प्रमुख दाबेदार मानिएको छ । उनले सिटीका लागि च्याम्पियन्स लिगसँगै तीन उपाधि जित्न सफल भएका छन् ।

३० जनाको सूचीमा मेसीसँगै विश्वविजेता अर्जेन्टिनाका तीन खेलाडी छन् । लाउटारो मार्टिनेज र जुलियन अल्भारेज सूचीमा अटाएका हुन् ।

त्यस्तै, च्याम्पियन्स लिग विजेता सिटीबाट सात खेलाडी छन् । हालाण्डसँगै केभिन डी ब्रुयने, रुबिन डियास, विश्व विजेता अल्भारेज, बर्नान्डो सिल्भा, रोड्री र हालै बार्सिलोना गएका एकाई गुन्डोगान छन् ।

यस्तो छ प्रारम्भिक सूची:

जोस्को ग्वार्डिओल – म्यानचेस्टर सिटी

जमाल मुसियाला – बायर्न म्युनिख

आन्द्रे ओनाना – म्यानचेस्टर युनाइटेड

करिम बेन्जिमा – अल इत्तिहाद

मोहमद सलाह – लिभरपुल

बुकायो साका – आर्सनल

केभिन डी ब्रुयने – म्यानचेस्टर सिटी

जुड बेलिङ्घम – रियल मड्रिड

रेन्डल कोलो मुनी – पीएसजी

बर्नार्डो सिल्भा – म्यानचेस्टर सिटी

ख्विचा क्वारत्सखेलिया – नापोली