इन्डियन प्रिमियर लिग (आइपिएल)अन्तर्गत गएराती भएको खेलमा कोलकाता नाइट राइडर्सले सनराइजर्स हैदरावादलाई ५ रनले पराजित गरेको छ।
कोलकाताले दिएको १७२ रनको लक्ष्य पछ्याएको हेदरावादले २० ओभर खेल्दै ८ विकेटको क्षतिमा १६६ रनमात्रै बनाउन सक्यो।
हैदरावादका लागि कप्तान एडेन मारक्रमले सर्वाधिक ४१ रन बनाए। उनले ४० बलमा ४ चौका हाने।
हेनरिच क्लासेनले २० बलमा १ चौका र तीन छक्का प्रहार गर्दै ३६ रन बनाए। अब्दुल सामदले २१, राहुल त्रिपाठीले २० र मयंक अग्रवालले १८ रनको योगदान गरे।
बलिङतर्फ वैभव अरोरा र शारदुल ठाकुरले दुईदुई विकेट लिए। हर्शित राना, आन्द्रे रशेल र अनुकुल रोयले एकएक विकेट लिए।
राजीव गान्धी अन्तर्राष्ट्रिय क्रिकेट स्टेडियममा टस जितेर पहिले ब्याटिङ गरेको कोलकाताले ९ विकेट गुमाएर १७१ रन बनाएको थियो।
कोलकाताका लागि कप्तान नितेश राणाले ३१ बलमा ३ चौका र तीन छक्का प्रहार गर्दै ४२ रन बनाए।
रिंकु सिंहले ३५ बलमा ४ चौका र १ छक्का प्रहार गर्दै ४६ रन बनाए। आन्द्रे रशेलले २४ र जेसन रोयले २० रन बनाए।
बलिङतर्फ माक्रो जनसेन र नटराजनले दुईदुई विकेट लिए। त्यस्तै भूवनेश्वर कुमार, कार्थिक त्यागी, एडेन मारक्रम र मयंक मार्कन्डेले एकएक विकेट लिए।
