चालु आर्थिक वर्षको पहिलो सात महिनामा ५ अर्ब ६२ करोड रुपैयाँ बराबरको २ हजार ९ थान विद्युतीय सवारीको आयात ६१ प्रतिशतले बढेको तथ्यांकले देखाएको छ ।
पेट्रोलियम पदार्थको मूल्यवृद्धिले नेपालमा विद्युतीय सवारी साधन (EVs) को बिक्री बढाउन मद्दत गरेको छ ।अहिले इन्धनको मूल्य ओरालो लागे पनि नेपालमा ईभीको लोकप्रियता र बजार हिस्सा बढ्दै गएको उद्योगीहरू बताउँछन् ।नेक्सन ईभीका उत्पादन प्रबन्धक निर्मल खत्रीले यातायातको भविष्यका रूपमा बढी उपभोक्ता, व्यवसाय र कार्यालयले विद्युतीय सवारीसाधनतर्फ आकर्षित भएको बताए ।अघिल्लो वर्षको सोही अवधिको तुलनामा चालु आर्थिक वर्षको सात महिनामा विद्युतीय सवारीको आयात ६० दशमलव ९५ प्रतिशतले बढेको भन्सार विभागले जनाएको छ ।भन्सार विभागको तथ्याङ्कले फागुन मसान्तसम्ममा सकिँदै आएको चालु आर्थिक वर्षको सात महिनामा नेपालले रु ५ अर्ब ६२ करोड बराबरको दुई हजार ९ सय ९ विद्युतीय सवारीसाधन आयात गरेको देखाएको छ ।
गत आवको सोही अवधिमा कुल ३ अर्ब ४९ करोड बराबरको एक हजार १९१ युनिट विद्युतीय सवारी आयात भएको थियो ।ईभिको आयात बढ्नुमा, बैंकहरुको सहज बित्तिए सेवाहरु रहेको अटो डलरहरुले जनाएका छन् ।बैंकहरूले गाडीको मूल्यको ९० प्रतिशतसम्म ऋण दिइरहेका छन् । डिजेल र पेट्रोलका सवारीसाधन आयातमा प्रतिबन्ध लगाइएपछि उपभोक्ता पनि विद्युतीय सवारीसाधनतर्फ लाग्न बाध्य भएका छन् ।नेपालले गत आर्थिक वर्षमा रु ५ अर्ब ३२ करोडको एक हजार ८०७ ईभी आयात गरेको थियो ।
खत्रीका अनुसार उनीहरुले २०२१ अप्रिलदेखि मार्च २०२२ सम्म नेक्सन ईभीका ६०० इकाइहरू बेचेका छन्। “मार्च २०२२ देखि हामीले २,००० भन्दा बढी ईभी बिक्री गरेका छौं। बजारमा नेक्सनको बिक्री हिस्सा ९० प्रतिशत छ । चालु आर्थिक वर्षको पहिलो सात महिनामा भएको कुल आयातमध्ये १ हजार ८ सय कित्ता आयात र बिक्री गरेका छौँ ।खत्रीले गत वर्ष प्रतिलिटर रु १८० पुगेको इन्धनको मूल्य ईभीको बिक्री बढ्नुको प्रमुख कारण रहेको बताए ।Nexon EVs को मूल्य नेपालमा रु ५१ लाख देखि ५९ लाख सम्म रहेको छ । भारत नेपालका लागि सबैभन्दा ठूलो ईभी आपूर्तिकर्ता हो, त्यसपछि चीन छ।
चालु आर्थिक वर्षको पहिलो सात महिनाको तथ्यांकअनुसार भारतबाट रु तीन अर्ब ८९ करोड बराबरको एक हजार ४ सय ३५ इकाइ विद्युतीय सवारी आयात भएको छ । सोही अवधिमा चीनबाट रु ६४ करोड ३५ लाख ९० हजारको २९४ र दक्षिण कोरियाबाट रु ८६ करोड ४१ लाखको २२७ सवारी साधन आयात भएको थियो ।"EVs को लागी सोधपुछ बढ्दै छ। सोही अनुसार हामीले आपूर्ति बढाएका छौं,’ नेपालमा हुन्डाई कारको आधिकारिक वितरक लक्ष्मी इन्टरकन्टिनेन्टलका मार्केटिङ म्यानेजर सन्दीप शर्माले बताए ।
