Gold-Silver
दक्षिण एशीया नेटवर्क टेलिभिजन, काठमाडौ असोज १७ गते । पछिल्लो एक हप्ताको अवधिमा नेपाली बजारमा सुनको मूल्य घटेको छ । गत शुक्रबारको तुलनामा यो शुक्रबारसम्म आइपुग्दा सुनको मूल्य तोलामा ३ हजार ८०० रुपैयाँले घटेको हो ।
गत शुक्रबार नेपाली बजारमा सुन प्रतितोला २ लाख ९८ हजार ६०० रुपैयाँमा कारोबार भएको थियो । तर, त्यसको एक हप्तापछिको शुक्रबारसम्म आइपुग्दा सुन प्रतितोला ३ हजार ८०० रुपैयाँले घटेर २ लाख ९४ हजार ८०० रुपैयाँमा कारोबार भएको हो ।
नेपाल सुनचाँदी व्यवसायी महासंघका अनुसार, साताको पहिलो कारोबार दिन आइतबार सुनको मूल्य तोलामा ७०० रुपैयाँले बढेर २ लाख ९९ हजार ३०० रुपैयाँमा कारोबार भएको थियो ।
सोमबार भने सुनको मूल्यमा उल्लेख्य गिरावट आएको छ । सोमबार एकैदिन सुनको मूल्य तोलामा ५ हजार रुपैयाँले घटेर प्रतितोला २ लाख ९४ हजार ३०० रुपैयाँमा कारोबार भएको थियो । मंगलबार पनि सुनको मूल्य तोलामा ३ हजार ८०० रुपैयाँले घटेर प्रतितोला २ लाख ९० हजार ५०० रुपैयाँमा कारोबार भएको थियो ।
बुधबार भने सुन तोलामा २ हजार ८०० रुपैयाँले बढेर प्रतितोला २ लाख ९३ हजार ३०० रुपैयाँमा कारोबार भएको थियो । बिहीबार भने सुनको मूल्य स्थिर रहेको थियो ।
साताको अन्तिम कारोबार दिन शुक्रबार भने सुन तोलामा १ हजार ५०० रुपैयाँले बढेर प्रतितोला २ लाख ९४ हजार ८०० रुपैयाँ कायम भई यो साताका लागि कारोबार बन्द भएको हो ।
यो साता चाँदीको मूल्यमा पनि उत्तरचढाव कायमसँगै गिरावट आएको छ । गत साताको शुक्रबारको तुलनामा यो शुक्रबार सम्ममा चाँदी तोलामा १७० रुपैयाँले घटेको हो ।
महासंघका अनुसार गत शुक्रबार प्रतितोला ४ हजार ६२० रुपैयाँमा कारोबार भएको चाँदी यो शुक्रबारसम्म आइपुग्दा प्रतितोला ४ हजार ४५० रुपैयाँमा झरेको हो ।
साताको पहिलो कारोबार दिन आइतबार चाँदी तोलामा ३५ रुपैयाँले बढेर प्रतितोला ४ हजार ६५५ रुपैयाँमा कारोबार भएको थियो ।
सोमबार चाँदी तोलामा १४५ रुपैयाँले घटेर प्रतितोला ४ हजार ५१० रुपैयाँमा कारोबार भएको थियो भने मंगलबार चाँदी तोलामा ११५ रुपैयाँले घटेर प्रतितोला ४ हजार ३९५ रुपैयाँमा कारोबार भएको थियो ।
त्यसैगरी, बुधबार भने चाँदी तोलामा ३० रुपैयाँले बढेर प्रतितोला ४ हजार ४२५ रुपैयाँमा कारोबार भएको चाँदी बिहीबार भने स्थिर रहेको थियो ।
साताको अन्तिम कारोबार दिन शुक्रबार चाँदी तोलामा २५ रुपैयाँले बढेर प्रतितोला ४ हजार ४५० रुपैयाँ कायम भई यो साताको कारोबार बन्द भएको हो ।
