एस् ए टी भी ०२ माघ, काठमाडौंः आज देशको पहाडी भू-भागमा आंशिक बदली रहँदा बाँकी भू-भागमा मौसम मुख्यतया सफा रहने जल तथा मौसम विज्ञान विभागले जनाएको छ। तराईका केही स्थानमा हुस्सु/कुहिरो लागेको छ। 

दिउँसो देशभर आंशिक बदलीदेखि मुख्यतः सफा रहने अनुमान छ। आज राति लुम्बिनी, कर्णाली र सुदूरपश्चिम प्रदेशमा आंशिक बदलीदेखि साधारणतया बदली रहनेछ भने बाँकी भू-भागमा आंशिक बदली रहनेछ। सुदूरपश्चिम प्रदेशका एक-दुई स्थानमा हल्का वर्षाको सम्भावना छ।

कर्णाली र सुदूरपश्चिम प्रदेशका उच्च पहाडी तथा हिमाली क्षेत्रमा थोरै हिमपात हुन सक्छ भने बाँकी प्रदेशका उच्च पहाडी तथा हिमाली क्षेत्रका एक-दुई स्थानमा हल्का हिमपातको सम्भावना रहेको छ।