अछाममा अरिङ्गालले टोकेर एक जना वृद्धको मृत्यु भएको छ ।
जिल्ला प्रहरी कार्यालय अछामका प्रमुख प्रहरी नायब उपरीक्षक सन्तोष पाठकले जिल्लाको साँफेबगर नगरपालिका – ८ चण्डिकाका ७२ वर्षीय टेकबहादुर कुँवरको मृत्यु भएको जानकारी दिनुभयो ।
बिहीबार बाख्रा चराउन जङ्गल गएका बेला मौरिडाँडा भन्ने ठाउँमा कुँवरलाई अरिङ्गालले टोकेको थियो । अरिङ्गालको टोकाइबाट गम्भीर घाइते हुनुभएको उहाँको बिहीबार राति बयालपाटा अस्पतालमा उपचारको क्रममा मृत्यु भएको हो ।
