नेपालगन्ज — जिल्ला प्रहरी कार्यालय, बाँकेले नेपालगन्जबाट ३४ तोला भन्दा बढी अवैध सुन बरामद गरेको छ । नेपालगन्जको सुनारमन्डीबाट १० किलो चाँदीसमेत बरामद गरेको प्रहरीले जनाएको छ ।
सुनका गहना बनाउने गहना कारखानाबाट सो सुन बरामद गरिएको प्रहरीले जनाएको छ । विशेष सूचनाका आधारमा गएको प्रहरीको टोलीले सोमबार मध्याह्न नै सो परिमाणको सुनचाँदी बरामद गरेको बाँके प्रहरीका डीएसपी नारायण डाँगीले बताए ।
प्रहरीका अनुसार सुन चाँदी सँगै ४ जना र एउटा गाडी पनि नियन्त्रणमा लिइएको छ । बरामद सामग्रीको मूल्य, गुणस्तर र वैधताको विषयमा अनुसन्धान भइरहेको प्रहरीको भनाइ छ ।
