एस ए टी भी २८ कार्तिक, काठमाण्डौंः मंगलबार घटेर बन्द भएको नेप्से बुधबार पनि घटेर बन्द भएको छ।
आज नेप्से परिसूचक १४.१२ अंक घटेर २७३४.८३ विन्दुमा पुगेको छ।आज सेन्सेटिभ इण्डेक्स ५.०८ अंक घटेको छ भने फ्लोट इण्डेक्स १.१४ अंक र सेन्सेटिभ फ्लोट इण्डेक्स १.७२ अंक घटेको छ।
आज नेप्से घटेपनि कारोबार रकम भने सामान्य बढेको छ। मंगलबार ७ अर्ब ८५ करोडको शेयर खरिदबिक्री भएको बजारमा आज ३०८ स्टकको ७७ हजार ८६१ पटकको कारोबारमा ७ अर्ब ९१ करोड १९ लाख रुपैयाँ बराबरको १ करोड ५३ लाख ६२ हजार कित्ता शेयर खरिदबिक्री भएको छ।
आज ५ स्टकको शेयर सकारात्मक सर्किट लेभलमा कारोबार भएको छ। आज सप्तकोशी डेभलपमेन्ट बैंक, श्रृजनशील लघुवित्त वित्तीय संस्था, पोखरा फाइनान्स, मकर जितुमाया सुरी हाइड्रोपावर र समृद्धि फाइनान्सको शेयर सकारात्मक सर्किट लेभलमा कारोबार भएको हो।
आज १३ उपसमूहमध्ये४ उपसमूहको परिसूचक बढेको छ भने ९ उपसमूहको परिसूचक घटेको छ।
