सप्तरी, साउन ५ गते । सप्तरीको राजविराज नगरपालिकाको सखडा मोडमा स्थानीयवासीले सडक निर्माणको माग गर्दै आन्दोलनमा उत्रिएका छन् । शुक्रबार स्थानीयवासीहरूले हुलाकी सडक अन्तर्गत राममन्दिरदेखि सखडा मोड हुँदै छिन्नमस्ता डेरीसम्म जोड्ने अधुरो सडक निर्माणको माग गर्दै टायर बालेर चक्काजाम गरेका हुन् ।
केही दिनअघि राजविराज नगरपालिका कावा नगरप्रमुख ईसरत प्रविणले ४ दिनभित्र सडक निर्माण गर्ने प्रतिबद्धता जनाए पनि हालसम्म उक्त जीर्ण सडक निर्माण नगरेकोले चक्काजाममा उत्रिनुपरेको स्थानीय रामभजन देवले बताउनुभयो ।
