एस् ए टी भी ०४ फाल्गुण, काठमाडौंः बर्दियामा चितुवाको आक्रमणबाट दुई वर्षीय बालकको मृत्यु भएको छ। मधुवन नगरपालिका वडा न ७ भाट चोकमा शनिबार साँझ करिब आठ बजे घरको आँगनमा खेलिरहेका राप्तीसोनारी गाउँपालिका ५ बस्ने बालक रिहान चलाउनेको मृत्यु भएको हो।
रिहानी आमा रचना चलाउने सानीआमाको घरमा छोरा लिएर आएकी थिइन्। चितुवाले आक्रमण गर्दा बालकको घाँटी र टाउकोको पछाडिको भागमा घाउ भएको प्रहरी नायव उपरीक्षक ऋषिराम घर्ती मगरले बताएका छन्।
साँझ करिब ८ बजे आँगनमा खेलिरहेको बालक एक्कासि हराएको खबर पाएपछि स्थानीयवासी, प्रहरी र सशस्त्र प्रहरीले तत्काल खोजी गर्दा घरदेखि पाँच सय मिटर दक्षिण पूर्व खेतमा ९ः१५ बजे मृत अवस्थामा फेला परेको उनले बताए।
