एस् ए टी भी १६ मङ्सिर काठमाण्डौंः ताप्लेजुङको सिरिजङगा गाउँपालिका वडा नं ३ सिकैचामा शान्तिपूर्णरुपमा मतदान जारी छ।
वडाध्यक्षका लागि जारी मतदानमा बिहान ८ बजे सम्ममा ९९ मत खसेको छ। सिकैचाको उपनिर्वाचनमा १ हजार ५ सय २८ मतदाता छन्। मुख्य निर्वाचन अधिकृतको कार्यालयका सहायक निर्वाचन अधिकृत दलबहादुर तामाङका अनुसार सरस्वती मावि कुञ्जारी मतदान स्थलमा ८० मत र दुर्गा मावि ओसे मतदानस्थलमा १९ मत खसेको हो।
सरस्वती मावि कुञ्जारी मतदान स्थलमामा १ हजार २६ र दुर्गा मावि ओसे मतदानस्थलमा ५ सय २ मतदाता रहेका छन्। ५ राजनीतिक दलका ५ उम्मेदवार चुनावी मैदानमा छन्।
