एस ए टी भी २६ कार्तिक,काठमाण्डौंः जाजरकोटमा भएका छुट्टाछुट्टै दुर्घटनाका घाइतेहरूमध्ये नौ जनालाई नेपाली सेनाको हेलिकप्टरबाट सुर्खेत ल्याउन लागिएको छ।
जाजरकोको पूर्वी भेग नलगाड र पश्चिमी क्षेत्र कुदुमा भएका छुट्टाछुट्टै दुर्घटनामा ३९ जना घाइते भएका छन्। तीमध्ये चार जना डिस्चार्ज भएको प्रहरीले जनाएको छ।
सोमबार जाजरकोट सदरमुकामबाट नेपालगञ्ज जान लागेको बा ५ ख १८९२ नम्बरको फोर्स गाडी दुर्घटना हुँदा ३२ जना घाइते भएका थिए।
यस्तै, बारेकोट गाउँपालिकाबाट सदरमुकामतर्फ आइरहेको भे १ ज ५९५ नम्बरको बोलेरो जिप दुर्घटना हुँदा सात जना घाइते भएका थिए। बोलेरो जिप दुर्घटनाका सात जना घाइतेमध्ये चार जना डिस्चार्ज भएका हुन्।
दुवै दुर्घटनाका घाइतेमध्ये ९ जनालाई हेलिकप्टरमार्फत सुर्खेत ल्याउन लागिएको प्रहरीले बताएको छ।
