एस् ए टी भी ९ मङ्सिर, काठमाण्डौंः पछिल्लो समय लगातार उकालो लागेको सुनको मूल्य साताको पहिलो दिन पनि बढेको छ। आइतबार सुनको भाउ तोलामा १ हजार ७ सयले बढेको हो। 

आइतबार छापावाल सुन तोलाको १ लाख ६७ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। गत शुक्रबार सुनको मूल्य तोलामा १ हजार ५ सयले बढेर १ लाख ६५ हजार ५ सय रुपैयाँमा कारोबार भएको थियो। चाँदीको भाउ पनि बढेको छ। 

आइतबार चाँदी प्रतितोला १ हजार ९ सय ६० रुपैयाँमा कारोबार भइरहेको छ। आज चाँदी तोलामा २० रुपैयाँले बढेको हो। केही समय घटेको सुनको मूल्य मंसिर लागेसँगै उकालो लाग्न थालेको छ।