मधेस प्रदेशमा एमाले,माओवादीको समर्थनसहित सरकार बनाउने सहमतिमा हस्ताक्षर जुटाएलगत्तै जनमत पार्टीका अध्यक्ष डा. चन्द्रकान्त (सिके) राउत अमेरिकातिर लागेका छन् । उनी एअर इण्डियाको उडान नम्बर एआई २१२ मा नयाँ दिल्ली हुँदै गएराति पौने १० बजे प्रस्थान गरेका हुन् ।
उनी अमेरिकामा रहेका तराई मूलका नेपालीहरुको कार्यक्रमलाई सम्बोधन गर्न गएको बताइएको छ । भोलि अमेरिकामा तराई मूलका नेपालीहरुको संगठनको सातौं अधिवेशन हुँदैछ । डा. राउत सोही कार्यक्रममा सहभागी हुन गएका हुुन् ।
साधारण राहदानी प्रयोग गरेर अमेरिका उडेका राउतले त्रिभुवन अन्तर्राष्ट्रिय विमानस्थलको विशिष्ट कक्ष भने प्रयोग गरेका थिए । उनलाई बिदाई गर्न विमानस्थलमा जनमतका केही नेता पुगेका थिए ।
