रातो मत्स्येन्द्रनाथको रथ तान्ने क्रम आज र भोलि स्थगित गरिएको छ । ढल्केको रथलाई दुई दिन मर्मत गरिने ललितपुर गुठी संस्थानले जनाएको छ ।

तान्नेक्रममा रथ निकै ढल्किएकाले दुई दिन रोकेर मर्मत गर्ने निर्णयमा पुगिएको गुठी संस्थान ललितपुरका प्रमुख बैकुण्ठ आचार्यले जानकारी दिए । उनका अनुसार देवता रहेको गर्भगृहको भागमा भाँचिएको काठ फेरिएको छ । त्यति गर्दा पनि हिजो पुनः रथमा समस्या आएकाले केही समय तानेर रोकिएको हो ।

रथको सुरक्षाको निम्ति ठूलो संख्यामा सुरक्षाकर्मी परिचालन गरिएको छ ।