काठमाडौँ — नेपाल नागरिक उड्डयन प्राधिकरणले भूकम्प प्रभावित क्षेत्रमा राहत बोकेर उड्ने हेलिकप्टर तथा जहाजलाई शतप्रतिशत शुल्क मिनाहा गर्ने निर्णय गरेको छ ।
प्राधिकरणका प्रवक्ता जगन्नाथ निरौलाका अनुसार प्राधिकरणका महानिर्देशक प्रदीप अधिकारीले नेपालगन्ज, सुर्खेत, रुकुम सल्ले तथा चौरजहारी विमानस्थलबाट राहतका लागि प्रयोग हुने वायुयानहरुको शुल्कमा शतप्रतिशत छुट दिने निर्णय गरिएको बताए ।
त्यस्तै प्राधिकरणले जाजरकोट तथा पश्चिम रुकुमका भूकम्पपीडितलाई सहयोगस्वरूप प्रधानमन्त्री दैवी प्रकोप उद्धार कोषमा १ करोड जम्मा सहयोग प्रदान गर्ने निर्णय गरेको छ ।
त्यसैगरी कैलाश हेलिकप्टरले प्राधिकरणको आह्वानमा प्रधानमन्त्री राहत कोषमा १० लाख रुपैयाँ सहयोग दिने जनाएको छ ।
