नेपाल स्टक एक्सचेन्ज (नेप्से) परिसूचक दोहोरो अंकले घटेको छ। आज नेप्से परिसूचक १४.२९ अंकले घटेर एक हजार आठ सय ६४.४० को विन्दुमा कायम भएको हो।
विभिन्न दुई सय ८६ कम्पनीका २२ लाख ५८ हजार एक सय ८७ कित्ता सेयर २५ हजार ६ सय २५ पटक खरिद–बिक्री हुँदा रु. ५७ करोड १४ लाख ८३ हजार दुई सय ७६ बराबरको कारोबार भएको छ।
आजको कारोबारमा सबै समूहको उपसूचक रातो देखिएका छन्। सबैभन्दा धेरै जीवन बिमा समूह १.४६ र लघुवित्त समूह ०.८४ प्रतिशतले घटेको छ।
आज सबैभन्दा धेरै माहुली लघुवित्त वित्तीय संस्था लिमिटेडको सेयर मूल्य ६.०५ प्रतिशतले बढेको छ। सबैभन्दा धेरै घट्नेमा भने सोनापुर मिनरल्स एन्ड आयल लिमिटेडको सेयर मूल्यमा ९.९८ प्रतिशतको गिरावट देखिएको छ।
कारोबार रकमका आधारमा आज सबैभन्दा धेरै सूर्यज्योति लाइफ इन्स्योरेन्स कम्पनी लिमिटेडको रु. एक करोड ७० लाख ११ हजार चार सय ७८ बराबरको कारोबार भएको छ। कारोबार भएका सेयर संख्याका आधारमा भने प्रभु स्मार्ट फन्डको सबैभन्दा धेरै एक लाख १७ हजार तीन सय कित्ता सेयर किनबेच भएको छ। रासस
