दोलखाको प्रसिद्ध भीमेश्वर मन्दिरको शिलामा पसिना आएको छ । झण्डै तीन घण्टादेखि पसिना आएपछि मन्दिरमा पूजापाठ शुरु गरिएको छ ।
भीमेश्वरको शिलामा पसिना आउनुलाई धार्मिक हिसाबले मुलुकमा अनिष्टको सूचकका रुपमा हेरिने जनविश्वास छ । पौने २ बजेदेखि पसिना आउन थालेपछि जिल्लास्थित सुरक्षा निकायका प्रमुख, गुठियारहरु पूजापाठमा संलग्न भएको बताइन्छ ।
यस्तो अवस्थामा राष्ट्र प्रमुख र संघीय सरकारले क्षमापूजा पठाउने चलन छ ।
यस्तो अवस्थामा राष्ट्र प्रमुख र संघीय सरकारले क्षमापूजा पठाउने चलन छ । भीमेश्वर मन्दिरको गुठी तथा पूजा व्यवस्थापन समितिका अध्यक्ष भरतबहादुर श्रेष्ठका अनुसार शिलाको बायाँ भागबाट निरन्तर पसिना बगिरहेको छ ।
पसिना हेर्न र पूजापाठ गर्न सर्वसाधारणको घुईंचो लागेको छ । उनीहरुले वरपरका घण्टहरु बजाएका छन् । पसिना आउन थालेपछि शिलामा चमक देखिएको स्थानीयले बताए ।